• 0593 - 54 08 33

vraag het de uitvaartleider

Umdat het meertmaond streekmaond is dizze maond het artikel ok weer in oenze eigen taol. Trouwens, as ik in overleg met naobestaonden oetvaarten in het Drents doe, dan krieg ik daor altied hele mooie reacties op. As ij het in het Drens doet, dan komp dat ok umdat diegene die overleden is die taol ok altied spreuken hef. Nou vin ik dat wij trots magt wezen op oenze Drentse taol, ok bij de dood as het past. Maor dat is mien mening en die telt niet. Bij een overlieden telt wat naobestaonden angeeft of wat de wens van de overledene is. 

Wat ok bijzunder is in de Drentse cultuur dat bint de rituelen die er van vrögger bint bij een overlieden. Zo weur vrögger bijveurbeeld de klokke stil zet. Aj dood bint, hej ja gien benul meer van tied. Ramen en spiegels weurden ofdekt, want as de vertrekkende ziel humzölf weerkaotst zag in een spiegel dan kun die de weg kwietraken met allemaol malle gevolgen zoas dat de geest van de dode bleef hangen. Wij kunt er wat van vinden, vrögger geleufde men dat oprecht. Wat ook gebeurde dat was de dood verluden, dat betiekende daj op het moment dat er iene overleden was dan weur aanderdaags de dood verlud met de kerkklokken. 

De redenen daorvan waren dat in de eerste plaots klokken in vroegere tieden een belangrieke rol speulden in het brengen van neis. En veural as het gung um slecht neis en um mensen te waorschouwen.